ទាន់ម្តាយកំពុងរួមរ័កជាមួយប្រុសផ្សេង ក៏កាប់មួយពូថៅ
សារព័ត៌មាន Cambodia News/
ពោធិ៍សាត់ (៣០ មករា ២០១៧) ៖ បុរសម្នាក់ខណៈឃើញម្តាយបង្កើតរបស់ខ្លួនកំពុងរួមរ័កជាមួយប្រុស ផ្សេងមិនមែនជាឪពុករបស់ខ្លួន ក៏ទប់កំហឹងមិនបាន ក៏ដើរត្រឡប់ទៅផ្ទះវិញ រួចយកពូថៅដើរទៅកាប់បុរសម្នាក់នោះ១ពូថៅបណ្ដាលឲ្យរងរបួសធ្ងន់ កាលពីវេលាម៉ោង៤ និង៣៥នាទីល្ងាច ថ្ងៃទី២៦ ខែមករា ឆ្នាំ២០១៧ នៅភូមិក្រាំងវែង ឃុំស្នាអន្សា ស្រុកក្រគរ ខេត្តពោធិ៍សាត់ ។
ជនរងគ្រោះឈ្មោះ ប៊ុន ប៉ាន់ ភេទប្រុស អាយុ៦៥ឆ្នាំ ចំណែកជនសង្ស័យឈ្មោះ សយ ជា ភេទប្រុស អាយុ២៥ឆ្នាំ រីឯម្តាយរបស់ជនសង្ស័យដែលបង្កាត់ភ្លើងស្នេហ៍ជាមួយជនរងគ្រោះឈ្មោះ ឯម ប៉ែន អាយុ៤៦ឆ្នាំ មានប្តីឈ្មោះ ស៊ិនថា អាយុ៤៧ឆ្នាំ មានកូន៣នាក់ ។ ទាំងអស់គ្នារស់នៅភូមិកើតហេតុខាងលើ ។
មុនពេលកើតហេតុ បុរសជាកូនដែលជាជនសង្ស័យបានដើរពីផ្ទះរបស់ខ្លួនទៅផ្ទះម្តាយ ពេលទៅដល់ឃើញតែឪពុកមិនឃើញម្តាយឡើយ ដោយមានការសង្ស័យបុរសជាកូនបានដើរទៅផ្ទះរបស់ជនរងគ្រោះដែលនៅ ទល់មុខគ្នា ស្រាប់តែឃើញម្តាយនិងជនរងគ្រោះកំពុងរួមរ័កគ្នាយ៉ាងរោលរាល ធ្វើឲ្យជនសង្ស័យជាកូនខឹងយ៉ាងខ្លាំងក៏ដើរទៅផ្ទះយកពូថៅមកកាប់ ជនរងគ្រោះ១ពូថៅចំសៀតផ្កាខាងឆ្វេងបណ្ដាលឲ្យរងរបួសធ្ងន់ ។
ក្រោយពេលកើតហេតុ ជនសង្ស័យបានរត់គេចខ្លួនបាត់ ចំណែកជនរងគ្រោះត្រូវបានអ្នកភូមិបញ្ជូនទៅសង្គ្រោះនៅមន្ទីរពេទ្យ បង្អែកខេត្តពោធិ៍ ៕
